Ish-kryeministri Sali Berisha ka postuar një foto ku shfaqet një tren i lyer i tëri me ngjyrë lejla. Ai akuzon Partinë Socialiste, ngjyra simbol e të cilës është lejlaja.
“Tani Partia Siçiliste ka dhe trenin e vet mavri! sb”, shkruan Berisha në “Facebook”, ndërkohë që postimi i tij është pasuar nga shumë komente të tjera.
Burime pranë artistes kanë bërë të ditur për Blitz.al se ka qenë Elvana ajo e cila e ka përdorur këtë tren për videoklipin e saj më të ri, që pritet të publikohet në shtator të këtij viti, në bashkëpunim me reperat Capital T dhe 2po2. “Lejla” titullohet bashkëpunimi dhe është kjo arsyeja se pse treni ka atë ngjyrë.
Pak ditë më parë, Elvana, në një postim në “Instagram”, shpjegoi kuptimin e ngjyrës lejla duke thënë se ajo është ngjyra e besnikërisë, e pasurisë, e luksit, e pasionit, e romancës dhe e ndjeshmërisë. Mezi po presim të shohim klipin e ri.
