Futbollisti i njohur i Kombëtares shqiptare, Sokol Cikalleshi, ishte i ftuar mbrëmjen e sotme përballë fëmijëve në “Kurthin e Piter Pan”.
Si çdo personazh tjetër, as ai nuk i ka shpëtuar dot pyetjeve pikante të vogëlushëve, të cilët kanë dashur të dinë edhe për jetën e tij private.
Në bisedë e sipër, futbollisti tregoi se ka bërë një tatuazh dedikuar bashkëshortes së tij, ndaj Alketa e ka “detyruar” Cikalleshin të zhvishet e të tregojë tatuazhin.
“Zhvishu Sokol tani dhe na e trego”, i tha Alketa, ndërsa futbollisti tregoi se kishte bërë në shpinë sytë e bashkëshortes së tij.
“Sa sy të bukur paska nusja. Me sytë e nuses deri në fund të jetës”- tha Alketa kur pa tatuazhin e tij.
Ai dhe bashkëshortja e tij Kornelia janë tepër aktivë në rrjete sociale dhe nëse i hedhim një sy llogarive të tyre, do të shohim se ata ndajnë me ndjekësit momente të shumta të përditshmërisë.
Gjithashtu, Sokoli dhe Kornelia janë bekuar me një vajzë të cilën e kanë pagëzuar me emrin Rajna. l l l l
Sigurisht, Rajna është dashuria më e madhe e babit dhe një pjesë e mirë e fotove në llogarinë e tij janë poza me të bijën.
