Lady Gaga festoi ditën e djeshme 35-vjetorin e lindjes dhe gjejeni pak se nga kush e mori dhuratën më të veçantë? Këngëtarja nuk bën një jetë të thjeshtë dhe sigurisht ne nuk mund të prisnim diçka të zakonshme për ditëlindjen e saj.
Me rastin e 35-vjetorit, i dashuri i saj Michael Polansky kishte menduar një surprizë shumë speciale për këngëtaren. Lady Gaga publikoi në rrjete sociale një foto të saj, në të cilën shihej duke përqafuar një buqetë gjigante me lule. Në fakt një dhuratë të tillë nuk e prisnim, duke qenë se Lady Gaga tashmë po jeton larg të dashurit për shkak të xhirimeve në Itali për filmin e ri “House of Gucci”.
“Kur i dashuri yt të dërgon gjithë lulet në Romë për ditëlindjen tënde. Të dua zemër, mezi pres që të jem në shtëpi me ty dhe qenin tonë, kjo është e gjitha çfarë dua”, ka shkruar këngëtarja përkrah fotos së buqetës.
Në muajin shkurt Lady Gaga u përball me një situatë shumë të vështirë, pasi dikush qëlloi me armë kujdestarët e qenve të këngëtares dhe më pas vodhi 3 bulldog-t francez. Në atë kohë Gaga ishte duke xhiruar filmin e saj, por më pas qentë u gjendën dhe u rikthyen në shtëpi.
Sa i përket lidhjes së saj, Gaga ka më shumë se 1 vit në një marrëdhënie me Michael. Pak pasi Lady Gaga i dha fund fejesës me Christian Carino, nisi lidhjen e re me Polansky, me të cilin është shfaqur shumë pak në rrjete sociale.
