Lajmin e bukur e ka dhënë vetë Cassie në Instagram, ku publikoi një foto të vogëlushes së saj duke zbuluar edhe emrin:
“Të hënën më 22 mars, 2021 @ 10:22 am zemrat tona u rritën,”
“Mirësevjen në botë vajzë bebe! Ne ju duam shumë Sunny Cinco Fine!”, shkroi Cassie në Instagram.
Në foton e publikuar, Cassie shihet duke mbajtur foshnjën Sunny, e cila është mbështjellë me një batanije blu. Partneri i saj, Alex Fine, gjithashtu shkruajti një mesazh të veçantë të shtunën për vajzat e tij të vogla.
“Letër për bijat e mia Frankie Stone Fine & Sunny Cinco Fine”, shkroi Fine në Instagram.
Kujtojmë se në dhjetor të vitit 2019, këngëtarja e njohur Cassie është bërë nënë për herë të parë. Lajmin e bukur e dha vetë Cassie në Instagram, ku publikoi një foto të vogëlushes së saj.
“Ajo është thjesht ndryshe. Frankie Stone Fine. Shoqja ime më e mirë”.
Cassie dhe Alex Fine kurorëzuan dashurinë e tyre në martesë në shtator. Krijuesja e hitit “Me & You”, emri i plotë i së cilës është Cassie Ventura, u martua me trainerin e fitnesit, para pak vitesh.
Një muaj pasi njoftuan fejesën, ata lidhën kurorë në një ceremoni intime në Malibu, ku Cassie shfaqej me barkun e rrumbullakosur.
Dasma erdhi pas ndarjes së bujshme me Diddy-n me të cilin kishte 11 vjet e lidhur.
