Ori Nebijaj për një kohë të gjatë ka qenë pjesë e strukturave të Partisë Demokratike si zëdhënëse dhe ka kandiduar për drejtimin e FRPD-së përballë Belind Këlliçit. Mirëpo pas disa vitesh, Ori vendosi të hiqte dorë nga angazhimi politik për t’u fokusuar tek puna e saj në televizion.
Ori i është bashkuar televizonit “Top Channel” prej kohësh, ku i janë besuar formate të rëndësishme si “Ëake Up”, të cilin e prezanton me Isli Islamin, apo “Pushime On Top” që e ka drejtuar së bashku me Flori Gjinin. Mirëpo Ori ka vendosur t’i rikthehet sërish pasionit të vjetër dhe të kandidojë për deputete në zgjedhjet e 25 Prillit.
Para disa ditësh u zbardh lista e Partisë Demokratike dhe u zbulua se Ori Nebijaj kandidon si deputete në Tiranë dhe renditet e 18-a në listë, ndërmjet Ivi Kasos dhe Gentjan Strazimirit.
Ndërkohë, mëngjesin e ditës së sotme ishte në një lidhje Skype në “Wake Up”, drejtori i departamentit të vaksinave në kompaninë “GeoVax”, Arban Domi, i cili ndër të tjera iu drejtua me shaka moderatores.
“Çfarëdo që të them sot të mos e përdorni për fushatë”, i tha Domi, moderatores, gjë e cila e habiti mjaft atë.
Domi: Para se t’i përgjigjesha pyetjes doja të bëja një pakt me ju Oriela, që çfarëdo që të them sot të mos e përdorni për fushatë.
Ori: Unë?
Domi: Po
Ori: Rri i qetë
Domi qesh: E them sinqerisht, suksese
Ori: Faleminderit
Isli: Na trembe
Ori: Po (qesh) thashë…
Domi: Thjesht për t’u uruar
Ori: Faleminderit shumë.
