Arbenita Ismajli po shkon drejt fundit të pritje së ëmbël. Modelja e njohur është shtatzënë dhe shumë shpejt do të bëhet nënë e një vajzë. Gjininë e fëmijës e konfirmoi edhe vetë partneri i modeles, reperi Fero disa ditë më parë. Ai publikoi një foto shumë të ëmbël të Arbenitës me barkun e rrumbullakosur dhe përkrah shkroi: “Qikat e mia”, shoqëruar me figurën e 2 zemrave.
Ditët po kalojnë shpejt dhe e vogla mund të vijë në jetë nga momenti në moment, por Arbenitën nuk e kemi parë të publikojë shpesh foto me barkun e rrumbullakosur. Madje ky fakt i ka bërë fansat e saj të dyshojnë se ajo mund të ketë lindur. Por Arbenita ju ka hequr dyshimet e të gjithëve, duke treguar se nuk ka lindur, por është e detyruar të mos postojë foto me barkun e rrumbullakosur për shkak të punës së saj.
“Instagrami është platforma ime e biznesit. Kam kontrata dhe foto që i kam bërë më parë”, tregoi Arbenita.
Ndërkohë që për pak kohë ajo do të mbajë në krahë të voglën e saj, Arbenita ka nisur kërkimin për gjetjen e emrit të vogëlushes. Ditën e sotme ajo ka postuar disa foto të saj e përkrah ka shkruar:
“A mund të më sugjeroni emra për vogëlushen time në komente”.
View this post on Instagram
Dhe kur vjen puna tek emrat të gjithë fansat janë kreativë dhe kanë nxituar t’i sugjerojnë ide të ndryshme. Por pjesa më e madhe e tyre i kanë sugjeruar një emër të njëjtë, që është bashkim i Feros dhe emrit të saj.
“FEROnit + ArbeNITA= Feronita”, i kanë sugjeruar fansat modeles.
Se sa do e marr parasysh Arbenita këtë sugjerim pritet ta shohim ditën që e vogla do të vijë në jetë.
