Thuajse e gjithë bota është “kyçur” për shkak të Covid-19 dhe rregullat janë rikthyer të rrepta, ndërkohë që janë ndaluar daljet dhe çdo lloj aktiviteti tjetër i panevojshëm.
Një pjesë e madhe e personave mund të jenë stresuar për shkak të izolimit dhe s’po e përballojnë dot këtë situatë, por jo Jennifer Aniston.
Aktorja 52-vjeçare ka treguar se po e shijon në maksimum izolimin në shtëpi dhe deri tani, janë bërë tre javë që ajo s’del fare nga shtëpia.
Pse do thoni ju? Epo Aniston ndau për herë të parë një fobi të sajën me publikun, teksa realizonte një intervistë me Jimmy Kimmel. Aktorja tregoi se vuan nga agorafobia, ndaj qëndrimi në shtëpi ka qenë perfekt për të këto ditë.
Për ata që nuk e dinë, agarofobia është një çrregullim ankthi i karakterizuar nga simptomat e ankthit në situata kur personi e percepton mjedisin e tyre si të pasigurt dhe pa asnjë mënyrë të lehtë për të shpëtuar. Këto situata mund të përfshijnë hapësira të hapura, tranzit publik, qendra tregtare, ose thjesht të qenit jashtë shtëpisë së tyre. Të qenit në këto situata mund të rezultojë në një sulm paniku. Simptomat ndodhin pothuajse çdo herë kur haset situata e vështirë dhe zgjasin për më shumë se gjashtë muaj. Ata që preken do të bëjnë shumë përpjekje për të shmangur këto situata. Në raste të rënda njerëzit mund të bëhen plotësisht të paaftë të largohen nga shtëpitë e tyre.
Agorafobia besohet të jetë për shkak të një kombinimi të faktorëve gjenetikë dhe mjedisorë. Gjendja shpesh ndodh në familje, dhe ngjarje stresuese ose traumatike si vdekja e një prindi ose sulmimi mund të jenë shkas.
