Dashi
Një koleg pune do të largohet papritur dhe kjo do t’ju bëj konfuz në lidhje me vendin tuaj të punës. Jeni të shqetësuar se ndoshta po bëhen disa ndryshime në punë dhe kjo mund t’ju prekë dhe ju. Pyesni dikë që ka më shumë informacion, për të qetësuar veten në lidhje me këtë çështje.
Demi
Partneri/ja juaj do të jetë me humor të keq sot dhe do ta keni të vështirë të komunikoni me të. Kjo do t’ju mërzisë pak dhe do të bëj të vini në pikëpyetje marrëdhënien tuaj. Mos merrni asnjë vendim të nxituar, pasi kjo situatë do të kalojë vetë. Nesër, me shumë mundësi, gjërat do të normalizohen.
Binjakët
Sot do të përfitoni një bonus monetar nga puna juaj, por kjo mund t’ju kushtojë disa orë ekstra gjatë ditëve në vazhdim. Partneri/ja dhe familja juaj mund të jenë të pakënaqur me oraret e zgjatura, por bëjini të kuptojnë se kjo është në të mirën tuaj.
Gaforrja
Do të përballeni papritur me një pengesë financiare, duke shpenzuar shumë rreth diçkaje që nuk e kishit parashikuar. Megjithatë, do ta gjeni një mënyrë për t’u përballur me situatën dhe ka shumë mundësi që të keni disa kursime për raste të tilla. Do të habiteni nga aftësitë tuaja menaxhuese.
Luani
Sot do t’ju telefonojë një mik i vjetër, me të cilin keni shumë kohë pa komunikuar. Do të jeni shumë të lumtur që u lidhët përsëri me të. Puna do të jetë e ngarkuar dhe keni shumë projekte që duhet t’i mbyllni sot. Përpiquni t’i mbaroni sa më shpejt.
Virgjëresha
Do të ndjeheni shumë të mërzitur për shkak të ndarjes nga partneri/ja juaj. Kalimi i kësaj situate do të jetë pak i vështirë, por mundohuni të merreni me ndonjë aktivitet argëtues, në mënyrë që të largoni mendjen. Me ndihmën e miqve, çdo gjë do të kalojë.
Peshorja
Sot do t’ju vijë një lajm jo i mirë, në lidhje me një mikun tuaj. Situata mund të mos jetë aq e rëndë saç e mendoni, por sido që të jetë duhet që të jepni mbështetjen tuaj. Për të qenë të sigurt mbi atë çka ka ndodhur, do të ishte më mirë sikur ta dëgjonit vet personin.
Akrepi
Do t’ju kapë veshi thashetheme shqetësues në lidhje me punën. Do të dëgjoni se kompania mund të jetë duke u shitur apo duke kaluar ndonjë situatë të vështirë. Si pasojë e kësaj situate, ju po shqetësoheni dhe për vendin tuaj të punës. Përpara se të arrini në përfundime, konsultohuni me dikë që mund të dijë të vërtetën.
Shigjetari
Keni tendencë të ecni me intuitë, por sot do të jetë e kundërta. Do t’ju duket sikur keni humbur aftësinë për të gjykuar situatat me anë të instinktit, por mos u shqetësoni pasi kjo nuk është e vërtetë. Nesër do t’i ktheheni normalitetit, kështu që mundohuni të mos merrni shumë vendime sot.
Bricjapi
Sot jeni ngritur me shumë ide kreative, në lidhje me projektet e reja apo dhe ato që tashmë keni nisur. Nëse nuk i shkruani diku, ka shumë mundësi që t’i harroni. Dita do të jetë e ngarkuar dhe duke u marrë me disa punë njëkohësisht, do të shpërqendroheni paksa. Fokusohuni në një vend të vetëm!
Ujori
Një vizitë nga një person që jeton shumë larg jush, do t’ju ndryshojë disa prej planeve të ditës. Edhe pse ju jeni të kënaqur që do të takoheni me mikun tuaj, keni shumë punë të lëna pezull, të cilat duhen përfunduar. Mundohuni të mbyllni shpejt takimet dhe projektet dhe pjesën e ngelur të ditës, dedikojani mikut.
Peshqit
Sot do të zgjoheni pak të shqetësuar nga një ëndërr që keni parë. Do të përpiqeni t’i gjeni kuptimin, por më vonë do ta kuptoni se nuk ka asgjë për t’u shqetësuar. Dita në vazhdim do të jetë e qetë dhe në mbrëmje mund të merrni pjesë në një aktivitet të organizuar nga miqtë tuaj. Shijojeni!
