Pas suksesit dhe famës ndërkombëtare që fitoi me “Bonbon”, më në fund këngëtarja shqiptare Era Istrefi ka zbuluar se i ka gati disa këngë të reja, që do të pëlqehen nga fansat e saj.
Në intervistën e radhës për “Kiss UK”, Era nuk i ka mbajtur më për vete të fshehtat dhe na ka treguar se kur do të publikojë këngën e re, madje ka dhënë edhe disa detaje se si do të jetë projekti i saj i ri.
“Po punoj në muzikë, kam disa këngë shumë të mira por e kam një të preferuar që do publikohet shumë shpejt, në Tetor besoj, dhe ka elemente të reggae-s. Fansat e mi do ‘çmenden’ e di, sepse ata e duan reggae-n shumë”, u shpreh Era.
Ajo gjithashtu tregon edhe si u krijua BonBon, dhe flet për artistet e saj të preferuara e frymëzuese. Mezi po presim të dëgjojmë çfarë ka “kurdisur” Era, se për faktin që do dashurohemi me të, jemi të sigurt.
