Seriali shumë i famshëm dhe i dashur për publikun, “Sex and the City”, po rikthehet sërish në ekran dhe jo si film por si serial, për t’ia bërë qejfin të gjithëve,
Sarah Jessica Parker ka njoftuar rikthimin e “Sex and the city”, teksa protagonistet e serialit do të kenë të njëjtat role që kishin dikur, duke nisur nga Sarah Jessica Parker, Cynthia Nixon dhe Kristin Davis, por nuk do të jetë “Samantha” e Kim Cattrall.
Rikthimi i vajzave do të mbajë emrin: ‘Njësoj si dikur dhe do të ketë 10 seri që do të fiksojnë secilin prej nesh para ekranit.
Në fillim lajmi u bë i ditur nga ‘Variety’ e më pas nga vetë Parker e cila publikoi një video ku konfirmonte rikthimin e kastit të famshëm të aktoreve, që mezi e kishim pritur.
Aktorja Kim Cattrall ka njoftuar se nuk do t’i rikthehet serialit “Sex and the City”. Shefi i marketingut, Casey Bloys, e justifikoi mungesën e Samantha Jones me faktin se në këtë moshë nuk mund të kesh të gjithë miqtë që kishe në të 30-at.
Përveç Cattrall, në rikthimin e serialit do të mungojë gjithashtu “Mr. Big”, i luajtur nga aktori Chris Noth.
Noth momentalisht është duke luajtur në serialin “The Equalizer”, si edhe po xhiron dy filma, “Brooklyn All American”, dhe “Someday Sometime”.
Në bazë të informacioneve që vijnë për episodet e reja që do të të transmetohen në HBO Max, çifti do të ndahet sërish.
Një komentues e pyeti aktorin, i cili luante rolin e “Mr.Big”, nëse lajmi është i vërtetë dhe ai iu përgjigj:
“Epo, nëse e thotë Page Six, duhet të jetë e vërtetë.”
Sipas “Page Six”, në serial do të mungojë gjithashtu edhe aktori David Eigenberg, i cili luante rolin e “Steve”.
Fansat janë të zhgënjyer nga kaq shumë mungesa.
