Fotografitë me para kanë kohë që nuk publikohen nga të famshmi. Së fundmi 50 Cent përfundoi i arrestuar, pasi u dyshua se i kishte fituar në mënyrë të paligjshme.
Tashmë reperi shqiptar Stresi duket se po e rikthen sërish këtë trend. Ai postoi ditën e djeshme një fotografi në rrjetet sociale, ku shfaqet me tre tufa parash me nga 500 euro në tavolinë. Në foto dallohen edhe gotat me verë, ndërsa vendi ku është realizuar ajo mbetet anonim.
Ky imazh nxiti reagimin e komentuesve, të cilët i tërhoqën vëmendjen reperit për veprimin.
“Leku sosht sen, çfar duhet t’jesh si njeri!!”, shkruan Stresi, por komentuesit i tërhoqën vëmendjen duke thënë se fotografive të tilla u kishte ikur koha. Ndërsa disa të tjerë e akuzuan se paratë vinin nga punët e paligjshme.
Burimi: Facebook
