38-vjeçarja Britney Spears mbetet një nga yjet më të dashura të epokës moderne, por ka pasur jetën dhe financat e saj të kontrolluara, metodë që përdoret zakonisht për të moshuarit, të dobëtit ose me aftësi të kufizuara, që nga 2008, pas problemeve me shëndetin mendor dhe abuzimit me substancat narkotike.
Jamie Spears, babai i këngëtares ka qenë përfaqsuesi i saj ligjor prej 12 vitesh. Ai kontrollonte çdo vendim apo dokument që nënshkruante këngëtarja, për shkak të shqetësimeve lidhur me shëndetin mendor të 38 vjeçares.
Britney, e cila është kundër “kontrollit” nga i ati, është përballur me këtë të fundit në gjykatë por përgjigjia për të ka qenë sërish negative.
Gjykatësja nuk pranoi të pezullojë James Spears nga kontrolli që ka ai mbi jetën dhe karrierën e vajzës prej 12 vitesh. Për këtë arsye, avokati i Britney-t njoftoi se këngëtarja ka vendosur të heqë dorë nga muzika për aq kohë sa i ati nuk heq dorë prej saj.
Ditën e djeshme, “New York Times” publikoi një dokumentar për jetën e Britney Spears dhe jetën e saj të kontrolluar, dokumentar i cili u quajt “Framing Britney Spears”.
Bota u shokua nga fakti që në moshën 26 vjeçare, Spears ishte vendosur nën një kontroll që zakonisht i vendoset të moshuarve ose personave të paaftë fizikisht ose mendërisht për të marrë vendime.
Pavarësisht kontrollit të madh për të cilin s’dinte gjë askush, Britney ia doli të kishte një karrierë të shkëlqyer dhe të performonte me sukses në shumë turne. Gjithashtu, këngët e saj kanë qenë prej kohësh më të pëlqyerat.
Për herë të parë i dashuri i Britney-t, Sam Asghari, ka folur pas këtij dokumentari për të atin e Britney-t, duke u shprehur se nuk ka aspak respekt për të.
“Eshtë e rëndësishme që njerëzit të kuptojnë që kam zero respekt për dikë që përpiqet të kontrollojë lidhjen tonë dhe të na vendosë pengesa. Për mendimin tim, Jamie është totalisht një ‘dick’. S’do të jap më shumë detaje sepse gjithmonë e kam respektuar privatësinë tonë, por nga ana tjetër nuk erdha në këtë vend për të mos pasur mundësi të jem i lirë dhe të shpreh opinionin tim.”- shkruan partneri i Britney-t.
