Nevina Shtylla është padyshim një nga vajzat më të bukura të ekraneve shqiptare dhe sigurisht një nga moderatoret më të dashura të publikut.
Prej kohësh ajo është pjesë e “E diell”, ku na ëmbëlson çdo të dielë me buzëqeshjen dhe finesën që e karakterizon.
View this post on Instagram
Mbrëmjen e sotme, Nevina ka realizuar një bashkëbisedim me ndjekësit e saj në Instagram, ku ndër të tjera i është kërkuar të ndajë me fansat një foto nga fëmijëria.
Në foton e publikuar prej saj, shihet pranë një motori, teksa mban një fjongo të kuqe në kokë. Ajo që na bëri përshtypje është fakti se Nevina në fëmijëri paska qenë pakëz “buçko”.
Megjithatë, moderatorja ka qenë që në fëmijëri shumë e bukur dhe pas kësaj fotoje e kuptojmë se ka një bukuri të lindur.
Pak javë më parë teksa ishte e ftuar në ribrikë “N’fermë” të emisionit “E diell” Nevina ka treguar se në fëmijëri ajo është bullizuar. Në një rrëfim të sinqertë, moderatorja bukuroshe ka pohuar se është bullizuar jo vetëm nga nxënësit e shkollës, por edhe nga disa mësueset.
“Do kujtoj një periudhë të vështirë sepse isha edhe në moshë shumë shumë të vogël. Çohesha me zor për të ikur në gjimnaz, e kisha shumë të vështirë çdo ditë. Mundohesha t’ia shpjegoja dhe prindërve. Ndoshta me këtë tipin tim të rezervuar nuk jam shprehur aq sa duhet, por realisht e kam superuar me shumë vështirësi, doja ta lija fare. Kam patur një lloj trysnie nga disa mësuese specifike, jo nga të gjitha absolutisht. Po sikur po ta vunë shënjestrën, gati gati ta nxijnë jetën, mund të kalojë edhe në bullizëm. Ndoshta nuk arrijnë ta perceptojnë se çfarë bëjnë realisht, por që duhet të jenë me të vërtetë shumë të kujdesshme.”- ka treguar ajo.
View this post on Instagram
