Aktori i humorit, Bes Kallaku, arriti që të kthente gjyshen e tij, Ijen, në një nga personazhet më të dashur për publikun disa vite më parë. Pasi zgjodhi ta shoqëronte në emisione apo ta bënte pjesë të postimeve të tij, humoristi vendosi që të hapte një profil në “Instagram” për të.
Ija u kthye shumë shpejt në një nga personat më të ndjekur në rrjetin social, por vitin e fundit nuk është më shumë aktive.
Aktori e ka bërë edhe pjesë të videoklipeve të tij dhe rasti i fundit ishte verën e vitit 2020. Ija u shfaq në korrik në këngën e Besit të titulluar “Katunari gangsta”.
View this post on Instagram
Teksa ndan shpesh foto me të në rrjetet sociale, Besi ka shkrirë gazit ndjekësit e tij ditën e sotme. Ai ka postuar në Instastory bisedën e tij me ijen, ku kjo e fundit i kërkon të pyesë Çim Pekën se çfarë do bëhet me Trumpin.
“Ka që dje ija që më pyet ‘A di gjë Çim Peka se çfarë do bëhet me Trumpin?’.”-ka shkruar Besi.
Ija na ka treguar shpesh se i ndjek me vëmendje çështjet aktuale e politike dhe politikani i saj i preferuar në Shqipëri është presidenti Ilir Meta.
Nga ana tjetër, kujtojmë se pas tërheqjes nga televizioni, prej muajsh Besi i është përkushtuar familjes, pas suksesit të filmit të tij “Falco”. Javën e kaluar ai tregoi në “Roped with Olsi” se ka vendosur t’i përkushtohet Ajkës pasi dy vitet e para të jetës së saj nuk ka mundur t’i qëndrojë pranë për shkak të angazhimeve profesionale.
