Në një intervistë të rrallë për Wake Up, Albi Nako ka folur sot gjerë e gjatë rreth jetës së tij personale dhe profesionale, mes të cilave edhe për sëmundjen që e largoi nga skena. (KLIKO)
Duke qenë se puna e lidh me artistë të shumtë, në daljet e tij televizive shpesh korepgrafi ndalet tek ta. Mëngjesin e sotëm ai është shprehur se nëse Elvana Gjata nuk do ishte këngëtare, do ishte një kërcimtare e shkëlqyer.
“I kam thënë Elvanës se ajo në këtë jetë po të kishe bërë profesionin e baletit, do ishte zgjedhje shumë e mirë. Baleti i shkon. Ajo do ishte një super kërcimtare, e ka shumë perfekt kërcimin”.
Kjo deklaratë nuk i ka shpëtuar këngëtares e cila ka ndarë videon në Instastory por duket se ka një mendim tjetër nga Albi. Teksa falenderon bashkëpunëtorin e saj, ajo shkruan se po të mos ishte këngëtare do ishte kuzhiniere e shkëlqyer.
“Faleminderit Albi! Nëse nuk do kisha qenë këngëtare to të kisha eqnë një shefe kuzhine e shkëlqyer, po të them. Suksese, mjeshtër!”
Nuk e dimë se si është Elvana në kuzhinë, por për të kërcyer i bashkohemi plotësisht mendimit të Albit. E qan!
Prej pak ditësh, duket se Elvana është rikthyer në rrjetet sociale. Ajo postoi më herët këtë javë disa foto në Instagram ku shihej me një hoodie rozë dhe kapuç të zi, teksa kalonte kohë me familjen e saj.
View this post on Instagram
Elvana na ka munguar gjithë këto kohë, por javët e fundit flitet se ajo do vijë në një bashkëpunim me Mozzik. Ende nuk ka detaje rreth këtij projekti apo rreth datës së publikimit por me rëndësi është që diçka po gatuhet dhe ne nuk mund të ishim më të lumtur.
Kujtojmë se, Elvana u rikthye në fund të muajit gusht në rrjetet sociale me disa foto, ku shfaqej e veshur me të bardha në majë të një shkëmbi, duke mos i shoqëruar me asnjë koment.
Në të njëjtin vend u shfaq edhe një ndër DJ më të mirë ndërkombëtarë, Mahmut Orhan, projektet e të cilit kanë miliona klikime. Dyshja na kanë lënë edhe më parë të kuptojmë se po përgatisin diçka së bashku e këto foto na i ngritën dyshimet, por nuk ka ende asnjë të re.
Për herë të fundit këngëtaren e pamë në festivalin e RTSH ku debutoi me këngën e saj “Me tana”, por ka rreth 10 muaj dhe këngëtarja nuk ka sjellë ende asnjë këngë.
