Joe biden është zyrtarisht Presidenti i ri i Shteteve të Bashkuara të Amerikës, pas certifikimit të votave elektorale nga Kongresi Amerikan.
Kamala Harris është zyrtarisht zëvendës presidentja, ndërsa Trump ka mbyllur këtu kapitullin e tij. Zv. presidenti Mike Pence njoftoi certifikimin e Biden, i cili mori shumicën e votave.
Trump ka reaguar gjithashtu pas fitores së certifikuar të Presidentit të ri.
“Ky vendim, që përfaqëson fundin e mandatit të parë më të madh në historinë presidenciale, është vetëm fillimi i luftës sonë për ta bërë përsëri Amerikën të jashtëzakonshme. Edhe pse nuk jam plotësisht dakord me rezultatin e zgjedhjeve dhe faktet e konfirmojnë këtë, në datën 20 janar do të ketë një tranzicion të rregullt. Unë gjithmonë kam thënë se do të vazhdojmë luftën tonë për të siguruar që të numëroheshin vetëm votat e ligjshme.”- u shpreh Trump.
Kaosi dhe protesta e ditës së djeshme në Capitol Hill s’mundi të pengonte certifikimin e Biden.
Si asnjëherë më parë në historinë e SHBA-së, Kongresi u sulmua ditën e djeshme në momentin që ishte mbledhur për të certifikuar votimin e Kolegjit Zgjedhor që i jep dritën jeshile Joe Biden në krye të Shtëpisë së Bardhë.
Nga revolta e dhunshme u shënua edhe viktima e parë, një grua e cila mësohet të ishte civile.
