Bizneset në Shqipëri do t’i rrisin pagat nga 2% deri në 2.4 përqind gjatë vitit 2021. Ky është parashikimi i sondazhit të kryer nga kompania më e madhe amerikane e kërkimeve ekonomike “Korn Ferry”. Çdo fundviti ajo publikon parashikimet e pagave për vitin e ardhshëm, për pjesën dërrmuese të shteteve të botës. Parashikimi bëhet në formën e një ankete mbi kompanitë që operojnë në vende të ndryshme të globit. Krahasuar me vitin e kaluar, projeksioni duket më pesimist.
Gjetjet e sondazhit
Gjetjet kryesore të sondazhit sugjerojnë se 16% e bizneseve nuk do të bëjnë asnjë lloj rritje të pagave. 10 përqind e bizneseve planifikojnë rritje për 25% të punonjësve, 7% e bizneseve kanë në plan rritje page për 50% të punonjësve, 5% për 75% të punonjësve, 5% për 80% të punonjësve, 3% për 85% të personelit, 8% për 90 % të stafit të tyre, 11% për 95% të punonjësve dhe 35% e kompanive dhe bizneseve planifikojnë rritje për të gjithë punonjësit që kanë në listëpagesat e tyre. Po të kemi parasysh se inflacioni mesatar për vitin 2021 parashikohet të jetë në kufijtë 2%, rritja reale e pagave të punonjësve mund të jetë e pandjeshme.
Ndryshimi më i rëndësishëm në rritjen e parashikuar të pagës për 2021 është përqindja e bizneseve që nuk planifikojnë rritje pagash rritjet për shumicën e punonjësve të tyre janë dukshëm më të larta se në vitet e mëparshme
Me rritjet e fundit të rasteve me COVID-19 në të gjithë globin, që solli si pasojë një rritje në bllokimet e imponuara nga qeveria, kjo është një arsye, që edhe më pak të punësuar të marrin rritje pagash në vitin e ardhshëm.
Situata e industrive
Pas paqëndrueshmërisë ekstreme të nëntë muajve të kaluar, kompanitë janë shumë të kujdesshme, veçanërisht ato në industritë që janë goditur më rëndë, si turizmi, prodhuesit me material të porositësit, tregtia me pakicë, industria e nxjerrjes së metaleve dhe e naftës.
Anketa më e fundit zbuloi se 91% e bizneseve presin një rënie të ndjeshme deri të rëndë të të ardhurave vjetore. Dhe, pavarësisht lajmeve inkurajuese në lidhje me vaksinat, mjegulla e pasigurisë e krijuar nga COVID-19 qëndron ende lart.
Kjo situatë përkeqësoi edhe nizneset që kanë birxhe. Sipas Bankës së Shqipërisë, që i referohet anketës me bankat e nivelit të dytë në fund të këtij viti, pandemia ka pasur një ndikim negativ në të ardhurat e rreth 40 deri në 60% të bizneseve kredimarrëse. Një pakicë bankash mendon se ky ndikim negativ kufizohet në rreth 21-40% të bizneseve, ndërkohë që intervalet 0-20% dhe 61-80% janë zgjedhur përkatësisht nga një bankë secila.
Nëse bizneset do të zgjedhin të jenë më të prirur që të japin rritje të pagave, në vend se t’i shpërndajnë ato nëpër drejtime të tjera, atëherë është e rëndësishme që ata të identifikojnë objektivisht funksionet kryesore dhe individët që kontribuojnë në suksesin e tyre.
Pra, kush merr një ngritje page dhe kush jo? Ekzistojnë dy grupe të punëtorëve thelbësorë që organizatat duhet t’u japin përparësi. Ata janë:
Ata që janë talente për sot – siç janë punëtorët e vijës së parë dhe ata punonjës që janë kyç për tërheqjen e organizatës përpara përmes krizës aktuale. Njerëzit që janë të aftë në transformimin e biznesit ose që kanë aftësitë e duhura për të mbështetur kompaninë në të ardhmen.
Rritjet e pagave do të jenë më të ulëta se në vitet e mëparshme.
Për ato organizata që ofrojnë rritje të pagave, shifrat kryesore janë më të ulëta se kjo kohë e vitit të kaluar. Rritjet e pritshme të pagave për vitin 2021 do të jenë 2.5% për Amerikën e Veriut, 2.1% për Evropën Perëndimore dhe 2.0% për Paqësorin, që përfaqëson një rënie të rritjeve vjetore prej 0.3%, 0.4% dhe 0.5% respektivisht.
Vitin e kaluar, rritja e pritshme e pagave në Evropën Lindore ishte 6.2%, por kjo është në 5.0% në vitin e ardhshëm. Afrika ka rënien më të madhe nga viti në vit, me një rritje për vitin e ardhshëm prej 5.0%, e cila është 2.9% më e ulët se një vit më parë.
Një numër i bizneseve nuk po planifikojnë të ofrojnë rritje të pagave në vitin 2021. Më shumë biznese po planifikojnë rritje jo për shumicën e punonjësve, por për një pjesë të vogël.
“Pandemia COVID-19 ka sjellë nivele të pashembullta të pasigurisë për të gjitha fushat e jetës – dhe pagat nuk bëjnë përjashtim. Sondazhi i këtij viti iu ofron kompanive të dhëna që shërbejnë aq të nevojshme oër të qartësuar vlerësimin e situatës, në këto kohë të vështira për t’u lexuar, nëse ndryshimet e propozuara në programet e tyre të shpërblimit janë gjithashtu të kujdesshme, tepër ekstreme, ose thjesht të duhurat”, thotë Don Lowman, presidenti i “Korn Ferry”.
