Para disa javësh u zbulua se Dojna Mema do të rikthehej sërish në ekranin e Top Channel. Mediat rozë mësuan se Dojna do të drejtonte në këtë televizion një format të ri, dedikuar kërcimit. Thuhej se balerini Graciano Tagani do të ishte autor i formatit dhe madje këtë gjë e konfirmoi vetë ai përmes një promoje. (Kliko)
Ndërkohë sot ka dalë reklama e re e programit më të ri, i cili pritet të nisë shumë shpejt. Përmes promos është konfirmuar edhe rikthimi i Dojnës në Top Channel, pasi ajo shfaqet duke kërcyer përkrah Gracianos. Moderatorja e ka ndarë videon edhe në profilin e saj e përkrah ka shkruar “Surprizë”.
Emisioni do të mbajë titullin “Just Dance” dhe do të shfaqet në ekran nga data 10 janar. Pjesë e tij do të jenë edhe balerinët e koreografët e shquar, Enada Hoxha dhe Albi Nako. Ky i fundit pati një konflikt me Gracianon para pak vitesh, pasi Tagani u shpreh se Albi e kishte pushuar nga puna me një mesazh. Më pas ata i rregulluan shumë shpejt raportet me njëri-tjetrin e siç duket do të jenë sërish koleg në një program televiziv.
Ndërkohë përveç zhvillimeve nga ana profesionale, kujtojmë se Dojna ka pasur të reja edhe nga jeta personale. Ditën e djeshme këngëtari Vlashent Sata, konfirmoi publikisht se është në një lidhje me moderatoren përmes një videoje që tregonte momentet më të bukura që ata të dy kanë kaluar bashkë.
