Kemi vite që këngëtaren e njohur Afërdita Dreshaj e shohim bjonde dhe të themi të vërtetën, na është mësuar syri me këtë look të sajin.
Mirëpo, duhet të kujtojmë që Afërdita s’ka qenë gjithmonë bjonde dhe në fillimet e karrierës së saj e kemi parë brune.
Pikërisht një fotot të tillë ia ka kërkuar modeles njëri prej ndjekësve në Instagram.
“Flokë brune”- i shkruan ndjekësi, ndërsa këngëtarja ia ka plotësuar dëshirën.
Afërdita Dreshaj dhe partneri i saj çek, Jakub Kindl, shumë shpejt do të bëhen prindër për herë të parë.
Afërdita është në muajin e shtatë të pritjes së ëmbël, ndërsa lajmin e bukur të shtatzënisë e dha që në muajt e parë kur mësoi se pret një bebush.
Çifti do të bëhet me djalë, përgatitjet për të cilin kanë nisur që tani.
Që prej fillimit të pritjes së ëmbël, Afërdita ka qenë kryefjala e mediave dhe fotot e saj në rrjet janë komentuar goxha shumë. Kjo për arsye se këngëtarja nuk kishte një bark shumë të rrumbullakosur dhe të gjithë dyshonin në fillim për shtatzëninë e saj.
Megjithëse është shtatzënë, Afërdita vazhdon të konsumojë sushi (ushqim që zakonisht nuk këshillohet për nënat shtatzëna) dhe vazhdon të ushtrohet rregullisht në palestër, gjëra që i kanë habitur ndjekësit.
Jo vetëm kaq! Këngëtarja pranon se nuk ka pasur asnjë shqetësim gjatë shtatzënisë dhe tregon se të gjithë habiten gjithashtu me energjinë e saj.
