Të gjithë vëmendjen në daljet publike të Kate Middleton i kemi te flokët e saj. Por më në fund dikush na shuan kureshtjen dhe është pikërisht stilisti personal i flokëve të Dukeshës së Kembrixhit, Richard Ward.
Në një intervistë për revistën “People” ai zbuloi sekretin e flokëve perfekt të Princeshës, e cila tashmë është kthyer në një ikonë mode për “look”-un e saj.
“Make me Kate” (“Më shndërro në Kate”) titullohet rubrika ku nëpërmjet një video Ward realizon look-un e Princeshës hap pas hapi.
Një kliente mbretërore më shumë se prej një dekade, Kate ishte veçse një studente kur filloi të frekuentohej me Princin William, ku njohu Ward, i cili më pas u kthye në një nga kuruesit kryesor të paraqitjes së saj.
Ishte po i njëjti stilist dhe staf i tij, që në vitin 2011 krijoi modelin famshëm të flokëve të nusërisë së Kate, e cila tashmë ka krijuar personalitetin e saj.
“Ajo ka mbetur i njëjti person që kam njohur para 10 vitesh”, shprehet Ward.
Burimi: People
