Postimet e Elvana Gjatës në rrjetet sociale janë shumë të rralla, teksa prej kohësh ka munguar edhe në muzikë.
Një përjashtim këngëtarja e ka bërë ditën e sotme, pasi miku i saj më i mirë Valdrin Sahiti feston ditëlindjen dhe kurrsesi nuk mund të mungonte një urim nga motra e tij.
Jo vetëm kaq, por siç ka treguar edhe vetë Elvana, nuk ka bërë asnjëherë urim kaq të gjatë për dikë. Ajo ka ndarë në Instagram disa video nga momentet e tyre më të veçanta dhe funny, teksa shkruan:
Drinki, s’e kam bërë ndonjëherë urimin kaq të gjatë, por ça të bëj! Një shok të ngushtë kam unë, jo siç ke ti 100! Je krenari e krejt Shqiptarisë. Personi më punëtor që njoh! Mezi pres të gëzoj për sukseset e radhës. E sheh? Je frymëzim i vëretët për familjen, miqtë dhe krejt ata që adhurojnë artin tënd. Zoti të dhëntë shëndet e jetë! Sot ne festojmë për ty, Drinki! Gëzuar ditëlindjen! Motra e vogël të do shumë.
Fjalë më të bukura se këto për të përshkruar miqësinë e tyre të veçantë nuk mund të kishte gjetur.
Ditën e sotme feston ditëlindjen edhe Lori Hoxha dhe javën që lamë pas të dy na bënë të dyshojmë se mund të organizojnë ndonjë festë së bashku.
Valdrini ka publikuar në Instagram një foto të tij dhe ka zbuluar se bashkë me Lorin kanë menduar të organizojnë një festë për ditën e tyre më të rëndësishme. “Sikur kishim në plan një festë”, ka shkruar Valdrini duke përmendur në postim Lorin.
Kjo e fundit ka ndarë postimin e tij në adresën e saj dhe i është përgjigjur: “Gati më ke”.
Nëse bëhet fjalë për një festë të mirëfilltë ditëlindjeje, me siguri do të jetë një nga më madhështoret dhe më me stil që kemi parë deri më sot, duke qenë se të dy kanë shumë njohje dhe janë dy nga personazhet më “fashion” të Shqipërisë.
Mbetet për tu parë.
