Billie Eilish i ka mahnitur fansat me videoklipin e saj të ri për kolonën zanore “No Time To Die” të James Bond, i cili u publikua të enjten.
Kantautorja 18-vjeçare, e publikoi këngën tetë muaj më parë, por videoja shoqëruese u dha premierë këtë javë në prag të kthimit të agjentit 007 në ekran muajin që vjen.
Ylli jep një performancë në një studio të errët në klip, i cili përmban pamje bardh e zi me skena nga filmi.
Pamjet kryesisht përqendrohen në romancën midis Bond dhe Madeleine Swann – luajtur nga Lea Seydoux – me të cilën thuhet se agjenti do të martohet në film.
Videoja muzikore e shumëpritur gjithashtu përmban një ndjekje të tensionuar të makinave dhe tregon agjenten e CIA-s Paloma – luajtur nga Ana de Armas – në një luftë dramatike plot aksion që do të mbajë mbërthyer fansat e filmit.
Fansat nxituan menjëherë për të dhënë reagimet e tyre pozitive për videon e sapopublikuar në Twitter:
“Ok unë jam dashuruar fjalë për fjalë, është me të vërtetë e mrekullueshme, je shumë mirë që ke hedhur një bombë tjetër, nuk zhgënjen kurrë”.
