Fansat mendonë se ky postim i Kylie Jenner i dedikohet ish-shoqes Jordyn Woods dhe të dashurit të saj të ri!
E Hoxha
Postuar ne 02 Tetor 2020,10:07:04
Jordyn Woods doli publikisht me të dashurin e saj të ri këtë javë, duke ndarë një seri fotografish mjaft romantike në Instagram.
Dhe pas reagimeve të shumta në lidhje me romancën e saj më të re, nuk mungoi as një reagim i Kylie Jenner, të paktën kështu mendojnë fansat.
Ata shprehen se një postim i fundit i Kylie-t e cila shprehet: “Sërish të uroj më të mirat” , i referohej marrëdhënies së re të ish-shoqes, e cila ka hapur një kapitull të ri tashmë pas shkëputjes nga familja Kardashian -Jenner.
18 muaj pas debatit për puthjen me Tristan Thompson, 23-vjeçarja Jordyn publikoi disa foto nga pushimet me lojtarin 24-vjeçar të NBA Karl-Anthony Towns.
“Të gjeta ty, pastaj gjeta veten”, shkroi Jordyn për 11.7 milionë ndjekësit e saj, ndërsa Karl-Anthony shtoi: “Ka errësira në jetë dhe ka dhe dritë, dhe ti je një nga dritat, drita e të gjitha dritave”.
Hera e fundit që kemi dëgjuar për miqësinë e Kylie-t dhe Jordyn ishte kur u tha se mes vajzave nuk ka hatërmbetje. Kylie normalisht doli në anën e Khloe-s pas zërave se shoqja e saj ishte puthur me Tristan Thompson.
Duke folur për miqësinë e saj me Kylie-n në një intervistë për Cosmopolitan, nëntor 2019, Jordyn shpjegoi, “Unë e dua atë. Ajo është shoqja ime. Shpresoj që gjithçka të rregullohet dhe që të gjithë të mund të rritemi dhe të ndërtojmë marrëdhëniet tona me familjen tonë dhe Zotin”.
Të ketë vallë një mundësi pajtimi?
Lexo tjetër
Acaroi ashpër serbët me hartën e Shqipërisë etnike, Dua Lipa ka diçka për të thënë
