Historiani i njohur, Llambro Filo, ka ndërruar jetë ditën e sotme në moshën 78-vjeçare, për shkak të infektimit me Covid-19.
Bëhet me dije se akademiku veteran Filo, ishte i shtruar prej ditësh në spital. Dyshohet se pedagogu i njohur u infektua me Covid-19 gjatë kohës kur ishte me pushime në Pogradec.
Lajmin për vdekjen e tij e ka dhënë historiania dhe pedagogia e Fakultetit Histori-Filologjikut, Valentina Duka, nëpërmjet një postimi në rrjetin social Facebook.
Kujtojmë se profesor Llambro Filo ka punuar prej vitesh pedagog në Universitetin e Tiranës. Ai ka autorësinë gjithashtu të shumë librave historikë dhe teksteve shkollore për arsimin para-universitar.
Profesor Filo i ka qenë i shtruar në spital prej gati 2 javësh dhe kishte gjithashtu sëmundje shoqëruese.
Postimi i profesoreshës Valentina Duka:
“Me keqardhje të thellë mësuam lajmin për ndarjen nga jeta të Prof. Llambro Filos, një nga pedagogët veterane, të Departamentit të Historisë të Universitetit të Tiranës. Ne ish-studentët dhe koleget e tij do ta kujtojmë gjithnjë me respekt profesorin e ndjere për kontributin shembullor jo vetëm si mesimdhënës dhe studiues i historisë, por edhe për komunikimin të ngrohtë dhe njerëzor me studentët dhe kolegët.
Me këtë rast ne u shprehim ngushëllime familjarëve dhe të afërmve të tij. Lamtumire profesori ynë i paharruar! Pushofshi në Parajsë!”, shkruan historiania Valentina Duka. /gazetareforma
