DUA LIPA, KONCERT NË PRISHTINË,
9 MAJ- GËRMIA PARK
Këngëtarja me origjinë kosovare, Dua Lipa do të mbajë të martën (9 maj), një koncert në Prishtinë.
“Më në fund një koncert në vendlindje! Shihemi së shpejti në Prishtinë. Mezi po pres”, ka shkruar në llogarinë personale.
Vlen të përmendet se koncerti do të mbahet në Gërmi të Prishtinës. Dua Lipa ka mbërritur të dielën së bashku me një grup miqsh dhe bashkëpunëtorësh që e shoqëronin.
Në konferencën e mbajtur për mediat, Dua premtoi se në koncert do të këndojë këngë të padëgjuara më parë. Të gjitha të ardhurat e biletave do të shkojnë për Sunny Hill Foundation, fondacionin e themeluar nga Dua Lipa për t’i ndihmuar të rinjtë e Prishtinës dhe Kosovës, veçanërisht në sferën e artit dhe kulturës.
DUA LIPA, KONCERT NË TIRANË
10 GUSHT, SHESHI “NËNË TEREZA”
Dua Lipa do të jetë në Tiranë më 10 gusht, në një koncert të hapur për publikun në sheshin “Nënë Tereza”. Njoftimin e ka dhënë vet këngëtarja shqiptare me famë ndërkombëtare, nëpërmjet një postimi në llogarinë e saj në “Instagram”.
“Jam shumë e lumtur të lajmëroj që do të shtoj një tjetër datë në kohën e qëndrimit në tokën mëmë, në Prishtinë, pasi do të qëndroj edhe në Tiranë më 10 gusht për një shfaqje. Jam gati dhe shpresoj që edhe ju jeni gjithashtu gati”, ka shkruar këngëtarja përkrah fotos që lajmëron koncertin e mbrëmjes së 10 gushtit.
Dua është kujdesur që përshëndetjen e fundit ta bëjë në gjuhën shqipe, “Shihemi së shpejti Tirana”, shkruan ajo.
Ky koncert vjen nën kujdesin e Bashkisë së Tiranës. Kreu i saj Erion Veliaj ka zgjedhur po median sociale për të shpërndarë lajmin e koncertit. “Do ta mbyllim vitin tonë të parë në bashki me Dua Lipën në Tiranë. Shihemi të gjithë më 10 gusht te sheshi “Nënë Tereza”, në një koncert të hapur e falas për të gjithë!”, shkruan Veliaj në llogarinë e tij në “Facebook”.
SKËNDERBEU NË ARTET PAMORE SHQIPTARE
EKSPOZITË (20 MAJ- 20 TETOR)
Galeria Kombëtare e Arteve dhe Galeria e Artit të qytetit të Sarandës organizon ekspozitën “Artistë shqiptarë të shekullit 20”.
Ekspozita e kuruar nga Ylli Drishti e realizar nga bashkëpunimi i GKA dhe Galerisë Art-Saranda, është pjesë e kalendarit të aktiviteteve të sezonit veror. Ajo ka karakterin e një historie modeste arti të pikturës shqiptare, ku është përzgjedhur dhe paraqitet krijimtaria e një grupi prej 35 piktorësh dhe një koleksion rreth 50 punimesh të gjinive të ndryshme nga fondi i Galerisë Kombëtare të Arteve, Tiranë.
Ekspozita do të qëndrojë e hapur deri më 10 shtator 2016.
ARTISTË SHQIPTARË TË SHEKULLIT 20
EKSPOZITË (13 QERSHOR- 10 SHTATOR)
Galeria Kombëtare e Arteve dhe Drejtoria e Përgjithshme e Arkivave kanë çelur ekspozitën “Skënderbeu në artet pamore shqiptare”. Ekspozita e kuruar nga Ylli Drishti, është vazhdim i projektit që filloi në Paris (Francë) në janar 2016, i cili erdhi si një bashkëpunim mes GKA dhe “Maison de l’Albanie”, kushtuar Heroit Kombëtar Gjergj Kastrioti Skënderbeu.
Në Krujë, ekspozita me 30 vepra arti dhe dokumente historikë do të prezantojë punë të rëndësishme nga fondi i GKA, nga studiot e artistëve dhe vepra të koleksionistëve. Përmes saj do të shfaqet një panoramë më e zgjeruar e figurës së Skënderbeut, në artet pamore shqiptare dhe dokumentat historik. Në të janë paraqitur vepra nga më të hershmet e unikalet, të realizuara nga piktorë patriotë shqiptarë si Anastas Ballamaçi e Theohar Gjini, e më vonë Spiro Xega.
Përmes rendit kronologjik, publiku do të njihet me një koleksion po aq të veçantë veprash origjinale. Nëpërmjet qëndrimeve stilistike personale ku pasqyrohen konceptime dhe ndikime të kohës kur ato u krijuan, mjeshtra të pikturës shqiptare si Andrea Kushi, Zef Kolombi, Simon Rrota, Kel Kodheli, Ibrahim Kodra, Guri Madhi, Vilson Kilica, Zef Shoshi, Nexhmedin Zajmi, Pandi Mele, Ibrahim Çezma, Arben Golemi, Dhimitër Theodhori, Anastas Kostandini, Genti Proko dhe Sokol Gidaj, kanë dhënë secili interpretimin e tyre për këtë figurë komplekse historike.
Veprat jane në teknikën e vajit, akuarelit, grafikës, vizatimit, si dhe dy postera të vitit 1968.
