Okej, ne e dimë që të qenit “single” do të thotë që të shpenzoni më shumë. Një takim këtu, një natë e papritur jashtë atje dhe kështu nis e gjitha. Por me siguri nuk mund të jetë aq e shtrenjtë sa të jeni në çift dhe të organizosh darka romantike apo dhurata ditëlindjeje?
E keni gabim! Mesa duket të qenit “single” ju shpenzon shumë më shumë se sa të jeni çift, pothuajse 6 mijë paund (në Britani).
Sipas një studimi nga “Voucher Codes Pro”, britanikët ruajnë një shumë prej 5772 paund çdo vit duke qenë në një marrëdhënie.
Sondazhi pyeti 2,125 britanikë të moshës 18-30, 1062 prej të cilëve kanë qenë në një lidhje prej të paktën dy vitesh dhe 1063 ishin “single”. U gjet se të qenit “single” do të thotë se do të shpenzoni një shumë prej 150 paund të të ardhurave tuaja të disponueshme çdo javë, në krahasim me 39 paund në qoftë se do të ishit në çift.
Ky ndryshim shume u ngrit nga një ndryshim te prioritetet. Personat vetëm shpjeguan si arsye kryesore të shpenzimeve të tyre shtesë, daljet në darkë, të ngrënit jashtë, pazaret për veshjet dhe ushqimet.
Ndërsa, çiftet thanë se shpenzimet e tyre shkojnë për orenditë e shtëpisë, dhuratat, pushimet, restorantet dhe ushqimet.
Kur u pyetën pse njerëzit “single” shpenzonin më shumë se ata që janë në një marrëdhënie, 62% e përgjigjeve ishte fakti se dilnin më shpesh, 24% thanë se ata në një marrëdhënie mund të “përpiqen më pak” dhe 14% u përgjigjën se ata që janë në një marrëdhënie mund të ndajnë çdo gjë, nga qiraja te ushqimi dhe te faturat.
Ndoshta jo suprizuese, studimi zbuloi se ata që janë “single” pinë tre herë më shumë se sa ata që janë në çift. Ata që janë vetëm shpenzojnë 45 paund në një javë për alkoolin, ndërsa ata në çift 17 paund. Po fundja kush mund ta kalojë një takim kur është esëll?
Kështu që nëse jeni “single” dhe ndiheni trokë, duket se ka një arsye për këtë. Dhe kush tha që të kesh një lidhje ka shpenzime!
Burimi: Marie Claire
