Sa më shumë kohë kalon, aq më serioze bëhet situata nga Covid-19 në vendin tonë, teksa vjeshta po afron dhe vala e dytë pritet të vijë bashkë me të.
I rëndë është bilanci i këtyre 24 orëve pasi Ministria e Shëndetësisë informon se kanë ndërruar jetë 6 persona. Nuk e ka fituar dot betejën me sëmundjen, mjeku pneumolog 53 vjeçar me origjinë nga Tropoja, banues në Tiranë, si pasojë e insuficencës së rëndë respitarore, pavarësisht përpjekjeve të mjekëve të spitalit “Shefqet Ndroqi”. Fatkeqësisht një i ri 28 vjeç nga Shkodra, i shtruar prej disa ditësh në spital, nuk ka mundur të mbijetojë.
Ka humbur jetën edhe një 68 vjeçare nga Tirana, një 71 vjeçar nga Kurbini, një 79 vjeçar nga Durrësi, me disa sëmundje bashkëshoqëruese, dhe një 77 vjeçar nga Shkodra.
Sakaq, 101 persona janë konfirmuar të prekur nga Covid-19 dhe nga nisja e epidemisë e deri tani numërohen 5620 të prekur në total.
Gjatë 24 orëve të fundit janë shëruar 13 qytetarë, duke e çuar numrin e të shëruarve në 3031. Kështu, 2417 raste aktive rezultojnë në të gjithë vendin dhe po ndiqen nga mjekët e familjes.
Shpërndarja gjeografike e rasteve pozitive ditore është si vijon: 66 raste në Tiranë, 9 në Krujë, 7 në Lezhë, 5 në Shkodër, 3 në Durrës, nga 2 raste në Korçë, Elbasan, Kavajë, nga 1 rast në Lushnje, Tropojë, Kamëz, Pogradec, Selenicë.
Ndërkohë përgjatë javëve të fundit ka një shtim të pacientëve me Covid-19, të cilët po marrin trajtim në dy spitalet Covid. Aktualisht në spitalet Infektiv dhe “Shefqet Ndroqi” po trajtohen 122 pacientë, ku 14 pacientë janë në terapi intensive dhe 4 të intubuar.
Shpërndarja gjeografike e rasteve aktive sipas qarqeve:
Tiranë 1342
Durrës 302
Shkodër 218
Fier 96
Vlorë 93
Lezhë 84
Korçë 78
Kukës 69
Elbasan 54
Berat 29
Dibër 28
Gjirokastër 24
https://www.facebook.com/OgertaManastirliu/videos/729735497589083/
