Është e frikshme situata nga Covid-19 në vendin tonë. Të paktën kështu paraqitet panorama nga të dhënat e Ministrisë së Shëndetësisë që informon se në 24 orët e fundit kanë ndërruar jetë 6 persona.
Bëhet fjalë për një 43 vjeçare dhe një 79 vjeçar nga Tirana dhe një 65 vjeçar nga Kruja, të tre të intubuar prej disa ditësh, me sëmundje të tjera bashkëshoqëruese. Po ashtu, nuk kanë mundur të mbijetojnë në spitalin Covid2 “Shefqet Ndroqi”, një 62 vjeçar nga Pogradeci me sëmundje bashkëshoqëruese, një 56 vjeçar nga Kukës, dhe një 69 vjeçar nga Tirana pa sëmundje të tjera.
Sakaq, është ulur numri i rasteve të reja krahasuar me ditën e djeshme, por shifrat mbeten shqetësuese. Nga 304 testime për të dyshuar të prekur me Covid19, janë konfirmuar 67 raste pozitive. Shpërndarja gjeografike e rasteve është si vijon: 56 raste në Tiranë, 8 në Durrës, 2 në Elbasan, 1 në Sarandë.
Aktualisht në spitalin Infektiv dhe spitalin “Shefqet Ndroqi” po trajtohen 115 pacientë, 21 janë në terapi intensive dhe 9 pacientë janë të intubuar.
Gjatë 24 orëve të fundit janë shëruar 29 qytetarë, duke e çuar numrin e të shëruarve në 2637, që nga fillimi i epidemisë. Po ashtu, në total numri i të prekurve ka shkuar në 4637, nga të cilët janë 1866 raste aktive, kurse 134 persona kanë humbur jetën.
Shpërndarja gjeografike e rasteve aktive sipas qarqeve:
Tiranë 992
Durrës 213
Shkodër 195
Vlorë 97
Lezhë 83
Korçë 65
Fier 58
Elbasan 51
Kukës 42
Berat 31
Dibër 20
Gjirokastër 19
