Një vit pas publikimit të këngës së saj të fundit “Në parajsë”, këngëtarja Miriam Cani ka gëzuar fansat me lajmin e bukur.
Në InstaStory, këngëtarja ka lajmëruar se po rikthehet në muzikë dhe duket se është plot frymëzim pas karantinës.
Të gjitha energjitë e saj do të transmetohen në projektin e radhës, producent i të cilit është Elgit Doda.
Miriami ka ndarë një foto krahas Elgitit teksa punojnë në studio për këngën e re dhe ajo s’mund të ishte më e lumtur, siç e tregon edhe vetë.
“E lumtur, e lumtur, e lumtur”- janë fjalët e këngëtares krahas fotos.
Ende nuk e dimë nëse ky do të jetë një projekt ritmik, apo një baladë e lehtë vere, ndaj mbetet për t’u parë!
