Mjekja hematologe, Alma Cili, ka rrëfyer sot eksperiencën e saj të vështirë të betejës me koronavirusin. E ftuar në emisionin “Kjo Javë” në News24, mjekja Cili tregon si u infektua në punë, edhe pse ishte me maskë, ndërsa tregon se virusin e rëndë ia ka kaluar gjithë familjes, bashkëshortit dhe dy djemve të saj të vegjël.
Duke e cilësuar këtë si sëmundjen më të vështirë, mjekja tregon edhe simptomat e saj, teksa thekson se “Të martën pasdite kur kthehem nga puna, bëj një dush, me idenë të bëj një dush se si dihet mund të kem marrë dicka atje. Në momentin që kam dalë nga dushi, ekzakt në korridor, jo kollë, por që mua më ka rrëzuar në korridor, që nuk ka ndodhur kurrë”.
Ka qenë ditë e enjte dhe unë zgjohem me një dhimbje fyti, nuk e mendova që ishte Covid-19, sepse unë isha me maskë gjatë gjithë kohës, plus nuk më vinte në mendje dikush që ishte pozitiv, që të kisha rënë në kontakt me të. Unë nuk kam ndenjur dy orë me një paciente. Ky virus jeton dhe jeton në ajër. Unë mendoj se transmetohet me anë të konjuktivave, sepse kemi qenë gjatë gjithë kohës me maskë, me dorezë. Të enjte, të premte ka qenë një dhimbje fyti. Në fundjavë i them bashkëshortit ‘të lutem nxirri fëmijët, largoi nga unë, se nuk rri dot me maskë gjithë ditën’. Aty fillova të dyshoj, që ndoshta është Covid, dicka që nuk e ndjeja veten në trupin tim. Unë jam shumë aktive, jam majë takave gjithë ditën, dhe ishte një lodhje për të bërë gjërat normale. Psh. më pihej uji dhe isha në divan, nuk çohesha dot dhe i thoja fëmijës, pra ishin ca gjëra që nuk shkonin. Të hënën kam qenë shumë mirë, kam shkuar në punë me maskë. Isha pak si jo mirë, por asgjë e jashtëzakonshme. E kisha bërë serologjinë, doli negative. Ishte një kollë që mua më ka rrëzuar në korridor, që nuk ka ndodhur kurrë. E shoh që nuk mund ta vija më maskën, më merr bashkëshorti me djalin e madh, dhe i vogli sa mund të ndihmonte, se është vetëm 4 vjeç, dhe më shtrijnë në shtrat. Aty e shoh që ishte e pamundur të mbaja maskën, nuk mbushesha dot me frymë. Thashë kjo është korona, i thashë bashkëshortit ‘të lutem merr fëmijët’.
Sipas saj shifrat e infektimeve në vendin tonë nuk janë alarmante, pasi nga njëra anë është mirë që popullata të infektohet, në mënyrë që të krijojë imunitet ndaj virusit.
Mjekja e QSUT tregoi se ka ende probleme, sidomos kur flet gjatë, pasi i duhet që të ndalet për të marrë frymë thellë, ndërsa tha se një gjë e tillë i ndodhi edhe gjatë intervistës.
Bashkëshortit tim i thashë të shkonte në spital, se kishte rënie të oksigjenit. U bë më keq se unë, ndoshta dhe se ishte pak mbi peshë. Unë humba 6 kilogram në ato 13 ditë, ai ka humbur 10 kg. Uji që pija më dukej si ujë me sheqer, kurse bashkëshorti e ka humbur totalisht shijen. Kemi specializtanten tonë që ka humbur nuhatjen për ndoshta 17-18 ditë, sa filloi të shqetësohej, se s’do i vinte kurrë. Të gjithë ne si klinikë kemi rënë në peshë.
