Një 21-vjeçare është bërë viktima më e re e koronavirusit në Shqipëri.
E reja ka ndërruar jetë tek spitali Infektiv ku ishte e intubuar prej disa ditësh.
Gjendja e saj është përkeqësuar në mënyrë të mënjehershme dhe mjekët nuk kanë mundur ta shpëtojnë, duke u bërë viktima me moshën më të re në Shqipëri.
Sipas ministrisë, vajza pati komplikacione si pasojë e tromboembolisë fulminante dhe pavarësisht përpjekjeve maksimale të stafit mjekësor, e reja që vuante nga sindromi metabolik, nuk ka arritur të mbijetojë.
Sindroma metabolike është një grup i gjendjeve – presioni i lartë i gjakut, sheqeri i lartë në gjak, yndyrë e tepërt trupore rreth belit, dhe nivelet e larta të kolesterolit ose triglicerideve – që paraqiten së bashku, duke rritur rrezikun e sëmundjeve të zemrës, goditjes në tru dhe diabetit.
Ndërkohë, ka humbur jetën gjithashtu një qytetare 49 vjeçare nga Kruja, e intubuar në gjendje të rëndë prej 11 ditësh dhe dy qytetarë, 56 dhe 67 vjeç, nga Tirana të intubuar, të cilët nuk e kanë fituar dot betejën me virusin.
/Iconstyle.al
