Në mesin e panikut që ka krijuar karantinimi i një drejtorie të tërë në Ministrinë e Infrastrukturës dhe Energjisë pas infektimit me COVID-19 të drejtoreshës së saj, postimet e fundit në profilin zyrtar të ministrisë në Instagram duken absurde!
Dje “iconstyle.al” bëri me dije se për shkak të COVID-19 janë karantinuar për 14 ditë punonjësit e Drejtorisë së Energjisë së Rinovueshme dhe nuk është bërë asnjë lajmërim për punonjësit e tjerë të ministrisë që i ndan vetëm një korridor nga kjo vatër infeksioni.
E ndërsa postimet në Instagramin e ministrisë bëjnë jehonë për masat shtesë në protokollin e sigurisë në Terminalin e Trageteve të Portit të Durrësit, vetë punonjësit e ministrisë ndihen të kërcënuar.
“Shërbimi në sportelet e drejtorive rajonale të DPSHTRR-së me rregulla strikte për zbatimin e protokollit higjieno-sanitar të COVID-19 ? MBRONI VETEN DHE TË TJERËT! “, shkruhet në postimin e fundit në Instagram.
https://www.instagram.com/p/CCVf4IwgdB8/
“Masa shtesë mbi protokollet e sigurisë shëndetësore në Terminalin e Trageteve të ⚓Portit të Durrësit. Instalohen kamerat termike për matjet e ?temperaturës së ?udhëtarëve në distancë. Sistem synon identifikimin në ⏱kohë të shpejt të temperaturës së trupit për ?qytetarët që do të hyjnë/dalin nëpërmjet Portit të Durrësit dhe njëkohësisht mbrojtjen e personelit shëndetësor”.
https://www.instagram.com/p/CCUAfRSADsg/
Para se ministria të dalë e të bëjë thirrje për mbrojtjen e vetes dhe të tjerëve nga koronavirusi, së pari duhet të kujdeset për shëndetin e punonjësve të vet, të cilët as nuk i ka lajmëruar për vatrën e infeksionit, në mënyrë që të merreshin masat e duhura të distancimit apo testimit.
Dje “iconstyle.al” bëri me dije se kryetari i Dhomës së Tregtisë dhe Industrisë së Tiranës, i cili pak ditë më parë rezultoi pozitiv me COVID-19, ka infektuar drejtoreshën e Energjisë së Rinovueshme dhe në efekt zinxhir është infektuar i gjithë stafi (lexo këtu).
Pak kohë më parë, Gazeta Reforma raportonte një tjetër rast për një këshilltare të ministres së Infrastrukturës dhe Energjisë që ishte karantinuar për shkak se një anëtar i familjes së saj kishte rezultuar pozitiv dhe stafi ishte alarmuar (lexo këtu).
Situata po i rrëshket nga duart ministres Belinda Balluku, e cila duket sikur ka zgjedhur të veprojë sipas shprehjes: “Bëni si them unë, por mos bëni si bëj unë!”
Ministria e Shëndetësisë bëri me dije se ka pasur 74 raste pozitive me COVID-19 dhe 2 viktima në 24 orët e fundit! Rikthimi i shifrave të larta të të prekurve ka rindezur shqetësime të shumta, dhe institucione të tilla shtetërore duhet të jenë të parat që duhet të zbatojnë protokollin dhe masat e sigurisë me transparencë të plotë.
/Iconstyle.al
