Një edukatore e kopshtit publik “Skënderbeg” në qytetin e Lezhës dhe bashkëshorti i saj kanë rezultuar pozitivë në testin për COVID-19.
Burime për abcnews.al bëjnë me dije se kopshti ku punonte edukatorja për momentin është i mbyllur dhe është dezinfektuar ndërkohë që i janë marrë tamponët edhe pjesës tjetër të stafit të këtij institucioni.
Fatmirësisht mësohet se kopshti gjatë kësaj periudhe nuk kishte frekuentim ndërsa stafi është pritje të analizave.
Alarmi për përhapjen e virusit është i madh pasi bashkëshorti i edukatores është tregtar në një pikë ushqimore në të cilën shet qofte.
Ndërkohë, rastet me koronavirus vijojnë të rriten dhe ditën e sotme me sa duket shifrat do të jenë të larta.
Nga të dhënat më të fundit janë testuar 34 persona si të dyshuar me koronavirus 10 prej të cilëve kanë rezultuar pozitivë.
/abcnews.al
