Menaxheri i grupit të njohur “Babastars”, Dekorim Sahiti, bëri me dije pak ditë më parë se ka rezultuar pozitiv në analizën për COVID-19.
Ai e dha vetë lajmin në një postim në Facebook, ku u kërkonte njerëzve të mos përhapin panik. Por shqetësimi më i madh ishte rreth njerëzve me të cilët kishte pasur kontakt Dekorimi.
Për të shuar të gjitha dyshimet ai ka reaguar sot në Instagram, ku shprehet e gjithë shoqëria ka dalë negative. Ky lajm e ka gëzuar pa masë Dekorimin, i cili thekson se fuqia e virusit ka rënë, por kjo nuk duhet të thotë se duhet të zvogëlojmë kujdesin.
Reagimi i plotë i Dekorit:
Familjarë, shokë dhe shoqe …
Ditët që ballafaqohesh me virusin dhe je nën monotoninë e vetizolimit (sidomos në ditët me mot të mirë si këto të fundit), e vetmja gjë që të bën të lumtur është që të gjitha rastet e kontaktit tek të cilët ti mund të kesh qenë bartës i virusit po rezultojnë negativ në Covid-19.
Nuk jam ekspert i kësaj lëmie, por si duket virusit po i humb fuqia. Ballafaqimi me të po është më i lehtë dhe mundësia për të infektuar fatmirësisht është zvogluar. Gjithsesi, nuk po them që ta zvoglojmë kujdesin – përkundrazi.
Lajmi im i mirë është se deri më sot i gjithë stafi “Momo” si dhe miqtë me të cilët kam pasur më së shumti kontakt kanë rezultuar negativ ????.
Shpresoj të vazhdoj kështu deri në fund dhe ne që po ballafaqohemi me këtë virus ta kalojmë sa më lehtë e t’i kthehemi normalitetit.
Ju don Dekori, shihemi së shpejti??
Kujdes po, panik jo ♥️
