Ka ndërruar jetë një tjetër pacient i cili po kurohej në spitalin e Infektivit.
Burime për Top Channel mësojnë se ai është nxjerrë nga spitali në gjendje të qëndrueshme por ka humbur jetën rrugës për në shtëpi, pranë Lushnjes.
Mësohet gjithashtu se viktima, një 68-vjeçar, vuante edhe nga sëmundje të tjera bashkëshoqëruese.
Ministria e Shëndetësisë bëri me dije sot se janë janë konfirmuar 53 raste pozitive, kryesisht raste të reja si dhe kontakte të rasteve të konfirmuara më herët pozitive.
Një 70-vjeçare nga Durrësi ndërroi jetë në spitalin infektiv sot, pasi vuante nga një formë e rëndë e leukozës.
/Top Channel
