“I dolën 2 tamponë negativë!” Ministria sqaron gjendjen e 68-vjeçarit që ndërroi jetë rrugës për në Gjirokastër

Ministria e Shëndetësisë ka sqaruar situatën e 68-vjeçarit që ndërroi jetë sot nga koronavirusi.

Në sqarimin e saj Ministria bën me dije se pacienti nga Gjirokastra ishte prekur më parë me COVID-19, por pasi i janë bërë dy tamponë ka rezultuar negativë.

Lexo edhe :

Filmi “Odisea” i Christopher Nolan rikthen Homerin në modë, shitjet e librave rriten me 1.400% dhe Shqipëria bëhet pjesë e historisë

12:35 30/07/26

“Çdo ditë zgjohesha me frikë”/ Nara Smith rrëfen ankthin e fshehjes së diagnozës së kancerit të vajzës: Kisha tmerr se do të zbulohej në internet

22:11 29/07/26

Gjithashtu bëhet e ditur se gjatë transportit, ka pësuar humbje jete të papritur si pasojë e sindromit hepato-renal, i komplikuar me arrest kardiak.

“Një pacient 68 vjeçar nga Gjirokastra, i cili vuante nga ciroza hepatike në stad terminal, ka ndërruar jetë teksa po transportohej nga spitali infektiv, drejt Gjirokastrës, pasi ishte negativizuar nga COVID-19, me dy tamponë negativë.

Sipas minsitrisë, 68-vjeçari ka ndërruar jetë papritur si pasojë e sindromit hepato-renal, i komplikuar me arrest kardiak.

“Ministria e Shëndetësisë i shpreh ngushëllime familjes së të ndjerit”, vijon njoftimi i Ministrisë së Shëndetësisë.

Paraditen e sotme, ministria e Shëndetësisë bëri të ditur se 70-vjeçarja nga Durrësi ndërroi jetë në spitalin infektiv. E moshuara e prekur nga COVID-19, vuante nga një formë e rëndë e leukozës, thekson ministria.