Ledion Liço ka zbuluar çelësin e suksesit për ta bërë të lumtur partneren e tij.
Sot, dyshja feston përvjetorin dhe s’kishte si të mungonte një dhuratë e Ledionit për Sarën në këtë ditë speciale.
Sapo është kthyer në shtëpi, Sara është surprizuar me një set enësh, por gjejeni pak fotoja e kujt qëndronte mbi to?
Pikërisht fotoja e modeles së saj të preferuar, Chrissy Teigen, për të cilën Sara “vdes”.
Kush tjetër do ia rregullonte ditën më mirë sesa kjo dhuratë?
“Vij në shtëpi tek dhurata më e ëmbël nga bashkëshorti im, që e di se s’dua askënd më shumë se Chrissy Teigen.”- shkruan ajo krahas fotos ku tregon se Ledioni është treguar goxha kreativ.
Dyshja i dha fund beqarisë në gusht të vitit 2018 dhe tashmë janë një familje e plotësuar me dy frytet e dashurisë së tyre, London dhe Roman.
