Vetëm para pak ditësh Kastro Zizo është bërë baba për herë të tretë dhe së bashku me partneren e tij Sarën, kanë mirëpritur në jetë një djalë që e quajtën Dante.
Ai ka qenë i ftuar këtë të diel tek “E diell”, i cili ka folur për djalin e tij dhe për momentin kur e mori vesh që do të bëhej sërish baba.
Kastro ka treguar se në momentin që e mori vesh e ka falenderuar Sarën dhe në sy të të gjithëve në spital i kishte thënë “Të dua”.
Ndër të tjera ai ka treguar se dëshiron të ketë më fëmijë.
Vlen të kujtojmë që Kastro është babai i tre fëmijëve, të cilët kanë mama të ndryshme. Djali i tij sot, Dankan, është 14 vjeç. Gjithashtu këngëtari është baba i një vajze dhe një djali të porsalindur.
Kastro, në intervistën me Ervin Kurtin, u shpreh se me partneren e tij aktuale Sarën, kanë në plan të sjellin në jetë dhe fëmijë të tjerë.
“Nuk do e mbyll me tre fëmijë jetën time, kisha kështu një milisekonda për t’a mbyllur me Danten. Por kam ndërmend të sjell në jetë dhe fëmijë të tjerë. Nëse njeriu ndihet mirë me personin që don risjell një jetë të re”, u shpreh Kastro.
Këngëtari i njohur e ka shijuar më së shumti karantinën, pasi është gjatë gjithë kohës me djalin e tij dhe po shijon momentet e para me të.
