Me siguri, qoftë edhe njëherë të vetme, duhet të jeni ndeshur në rrjete sociale me hashtagun #DenimDay.
Nëse po pyesni veten çfarë është ky, jeni në vendin e duhur!
Denim Day nisi si një fushtatë lokale dhe u kthye në një lëvizje ndërkombëtare për të gjithë personat e abuzuar seksualisht.
Fushata e ndërgjegjësimit nisi në muajin prill, si muaji i ndërgjegjësimit për t’i thënë JO abuzimit seksual dhe po vazhdon të përhapet çdo ditë e më shumë.
Rrjetet sociale i kanë dhënë fuqi personave të abuzuar të ngrenë zërin e madje të tregojnë fytyrën dhe historinë e tyre të abuzimit, duke marrë mbështetjen e gjithë botës.
“Nuk ka asnjë justifikim apo ftesë për të abuzuar seksualisht me dikë“- është motoja e fushatës #DenimDay që po sjell një ndryshim të madh në shoqëri.
Mijëra njerëz nga të gjitha vendet e globit kanë realizuar video nga më të dhimbshmet, duke treguar rrobat që kanë pasur të veshura kur janë abuzuar seksualisht dhe historinë e dhimbshme që i ka bërë t’i ulet vetëbesimi.
Në të gjitha rastet, asnjëra prej veshjeve të tyre nuk ka qenë provokuese, megjithëse justifikimi i abuzuesëve ishte se “fundi ishte shumë i shkurtër”, “fustani shumë i hapur”, “ishte tepër provokues/e”, etj.
Veshja nuk është justifikim për të abuzuar seksualisht me dikë!
Himni i kësaj fushate që po merr jehonë në rrjete sociale është kënga e famshme e Imagine Dragons- It’s time.
“Është koha të fillojmë, apo jo?
Po rritem çdo herë e më shumë,
por jam i njëjti që isha dikur.
Nuk e kupton që s’do ta ndryshojë kurrë
personin që jam?”- janë vargjet domethënëse që i kanë dhënë shpresë personave të abuzuar.
Me të vërtetë, është koha për ndryshim! Kliko DenimDay
