Ellen DeGeneres është një ndër figurat më të njohura dhe të dashura të ekranit, e cila ka fituar zemat e publikut dhe popullariteti i saj është i madh.
Në momentin që mendonim se nuk ka asgjë që nuk shkon me të, një pjesë e stafit të saj kanë treguar një anë tjetër të moderatores së njohur që nuk e dinim më parë dhe me thënë të drejtëen as e kishim menduar ndonëjherë.
I fundit ka qenë ish-truproja e Ellen DeGeneres që i shtohet numrit të njerëzve që akuzojnë Ellen se nuk është aspak e sjellshme dhe e dashur siç ajo shfaqet në ekran.
“Kur e shohin në TV, njerëzit bien në dashuri me të, por është e gjitha fasadë. Ajo nuk është personi që portretizohet në shoqëri”, ka treguar ai.
Ndërkohë tani “The New York Times” ka shkruar që të gjitha fjalët që po qarkullojnë për të janë të vërteta. Media prestigjoze i është referuar disa njerëzve dhe beson që është e vërtetë.
“A është gjithmonë e sjellshme? Jo. Më irriton se njerëzit mendojnë se ajo është e ëmbël”, ka cituar “New York Times” një punonjës nga stafi i saj.
Gjithçka ka nisur kur komediani Kevin T. Porter postoi në Twitter dhe iu kërkonte njerëzve që t’i tregonin atij “historitë më të çmendura (që ata kanë dëgjuar) për Ellen”.
Nga komentet që mori shumica ishin që tregonin një anë tjetër të Ellen. Pra ajo nuk është njeriu i qeshur dhe i dashur që të gjithë ne shohim në ekran.
Ndërkohë “Variety” shkruan se stafi i saj prej gati 20 personash në fillim të periudhës së pandemisë nuk morën asnjë komunikim përsa i përket pagave dhe orarit të punës për më shumë se një muaj.
Raportohet që ajo uli pagat e tyre me 60% në mes të pandemisë dhe stafi i saj ka mbetur i pakënaqur.
