Bizneset më të prekur nga pandemia globale janë lokalet, për të cilët është vendosur se do të jenë bizneset e fundit që do të hapen.
Kryeministri Edi Rama njoftoi që ato do të kenë mundësi për t’u hapur në datën 18 maj, por vetëm në ambiente jashtë. Gjithashtu ai theksoi se baret dhe restorantet do të mund të qëndrojnë hapur deri në orën 17:30.
Ky vendim nuk është mirëpritur nga bizneset në fjalë për të vetmen arsye se njerëzit në deri në atë orë janë në punë.
Nisur nga ky vendim, baret, clubet dhe retorantet i kanë nisur një letër të hapur Edi Ramës duke i kërkuar rihapjen sa më parë dhe pa kufizim orari të bizneseve, duke u treguar të kujdesshëm.
Teksa theksojnë se ishin të parët që u ndërgjegjësuan dhe zbatuan masat e qeverisë kundër COVID-19, duke mbyllur aktivitetet, krerët e kësaj shoqate theksojnë se këto biznese janë të gjunjëzuar ekonomikisht.
Sipas rregullave të përcaktuara, në tavolinë nuk do të jenë më shumë se dy persona dhe ata duhet të ruajnë distancën mes tyre me 1 metër. Ndërsa distanca mes klientëve nga tavolina në tavolinë duhet të jetë në 2 metra.
