Gjatë mbrëmjes së djeshme kanë dalë përgjigjet e analizave të tamponëve të marrë për disa qytetarë të Kukësit.
3 infermierë të urgjencës kanë rezultuar të infektuar me virusin Covid-19.
Aktualisht në urgjencën e spitalit po shërbejnë infermierët e pavionëve, pasi ata që shërbenin më parë janë karantinuar.
Kështu, numri i të infektuarve me koronavirus në qytetin e Kukësit ka shkuar në 9.
Deri tani, Shqipëria numëron 494 persona të prekur me Covid-19 dhe fatkeqësisht 25 jetë të humbura.
Gjithashtu, në vendin tonë janë 251 pacientë të shëruar.
Mbetet të presim që Ministria e Shëndetësisë të bëjë njoftimin zyrtar për bilancin e ditës së sotme.
