E gjithë bota po përballet me emergjencën Covid-19 dhe pasojat e saj, shifrat e të cilës deri tani kanë qenë të frikshme.
Mirëpo, fatmirësisht Shqipëria ka nisur të ulë kurbën e rasteve të prekura dhe viktimave për shkak të koronavirusit, ndaj nëse kurba do të vazhdojë e njëjtë, do të jemi në gjendje t’i rikthehemi jetës normale.
Deri tani, në Shqipëri janë konfirmuar 494 raste me koronavirus, ndërsa fatkeqësisht 25 persona kanë ndërruar jetë.
Kosovë
Kosova ka shpallur gjendjen e emergjencës kombëtare, ndërsa numri i rasteve të konfirmuara me Covid-19 ka shkuar në 423, ndërkohë 9 persona kanë ndërruar jetë.
Ndërsa, nga ana tjetër janë shëruar edhe pesë pacientë dhe tashmë numri i përgjithshëm i të shëruarve ka shkuar në 71.
SHBA
SHBA numëron tashmë shifrat më të larta të të infektuarve dhe jetëve të humbura për shkak të Covid-19, duke ia kaluar Italisë.
Në Shtetet e Bashkuara janë shtuar 2,336 vdekje, duke e çuar në 28,383 numrin e tyre total.
Gjithsej, janë konfirmuar 641,299 raste të infektuara, 13,477 prej të cilëve janë në gjendje kritike për jetën.
Itali
Deri tani, në Itali janë konfirmuar 165,155 raste të infektuara, ndërsa 21,645 persona kanë ndërruar jetë.
3,079 persona nga të prekurit janë në gjendje kritike për jetën.
Spanjë
Spanja ka shënuar 453 viktima brenda 24 orëve të fundit, ndërsa numri i tyre total ka arritur në 18,708.
Gjithsej numërohen 177,644 raste të konfirmuara me koronavirus, ndërsa 7,371 prej tyre kanë rrezikshmëri për jetën.
Francë
Franca ka konfirmuar 1,438 vdekje të reja, të cilat e kanë çuar në 17,167 numrin total të tyre.
Raste të infektuara me koronavirusin janë 147,863, ndërsa 6,457 prej tyre janë paraqitur në gjendje të rënduar shëndetësore.
/Iconstyle.al
