Sipas njoftimit të Ministrisë së Shëndetësisë ditën e sotme, në Shqipëri ka shkuar 494 numri i të prekurve nga Covid-19, pas 19 rasteve të reja të konfirmuara në 24 orët e fundit.
Gjithashtu, numri i jetëve të humbura në vend ka shkuar 25.
Tirana dhe Shkodra janë dy vendet më të prekura, përkatësisht me 237 dhe 71 të infektuar.
Në këtë qytet janë identifikuar 6 të rinj të infektuar, një infermiere (murgeshë), një punonjës i burgut të Reçit dhe 4 qytetarë.
Sipas dyshimeve të para, punojësi i burgut është infektuar pasi ka patur kontakt me nënën, motrën dhe të fejuarën të cilat më herët kanë rezultuar pozitive me koronavirus.
Kështu, në qytetin e Shkodrës ka shkuar në 77 numri i të prekurve me Covid-19.
