Ditën e sotme Spanja shënon një ulje të lehtë të viktimave nga koronavirusi krahasuar nga një ditë më parë.
Ministria e Shëndetësisë së Spanjës, bën me dije se në 24 orët e fundit në vend janë regjistruar 523 persona të vdekur nga COVID-19, 44 më pak se një ditë më parë ku ishin 567.
Në total numri i të vdekurve me COVID-19 në Spanjë është 18.579 persona. Ndërsa numri i rasteve të konfirmuara ka arritur në 177 633 dhe 70853persona janë shëruar.
Ditët e fundit Spanja ka kurbën në rënie dhe për këtë shkak kryeministri ka vendosur të ulë masat e rrepta.
Pak nga pak vendi do i kthehet jetës normale dhe shumë biznese janë hapur.
