Gjatë 24 orëve të fundit, në Spanjë janë shënuar 619 viktima nga koronavirusi.
Kjo rritje vjen pasi Spanja për tre ditë rresht shënoi rënie të numrit të vdekjeve të shkaktuara nga COVID-19.
Sipas Ministrisë së Shëndetësisë, numri i përgjithshëm i vdekjeve ka shkuar në 16,972.
Plot 2,992 raste të reja me të infektuar janë shënuar në 24 orët e fundit, duke e çuar totalin e përgjithshëm në 161,852.
Ndërkohë, Shtetet e Bashkuara e kanë kapërcyer Italinë si vendin me numrin më të madh të vdekjeve të lidhura me koronavirusin, duke regjistruar 20,608 vdekje, sipas një studimi të Universitetit Johns Hopkins.
Në nivel global, më shumë se 109,000 njerëz vdiqën nga koronavirusi ndërsa infeksionet e konfirmuara arritën 1.7 milionë.
Organizata Botërore e Shëndetit po paralajmëron shtetet për heqjen e parakohshme të masave kufizuese, duke thënë se kjo mund të shkaktojë një ringritje të rrezikshme të rasteve.
/Iconstyle.al
