Një punonjës i policisë në Tiranë është infektuar me koronavirus, ndërsa kolegëve të tij me të cilët ka pasur kontakt, u është marrë tamponi.
ABC News bën me dije se nga 190 të prekur në Tiranë, njëri është polic në drejtorinë vendore të policisë së shtetit.
“Javën e kaluar i është marrë tamponi sepse ka pasur dyshime prej simtomave që ka krijuar. Polici në fjalë qëndron tek pritja e qytetareve apo kontrolli i automjeteve që u behet atyre që hyne në drejtorinë e policisë. Pritet gjithashtu që të dalin përgjigjet për 5 police të tjerë”, bën me dije ABC News.
Këta janë persona me të cilët efektivi ka pasur kontakte më të aferta si dhe persona të tjerë me të cilët ka ndryshar turnin.
Aktualisht polici i infektuar është vetë-karantinuar bashkë me familjarët e tij, të cilët nga ana tjetër nuk raportohet të kenë simptoma.
Numri i përgjithshëm i të infektuarve me koronavirus ka arritur shifrën 400 në Shqipëri.
Në 24 orët e fundit janë testuar 236 persona të dyshuar, prej të cilëve janë konfirmuar 17 raste të reja me COVID-19.
