Mjeku Dhimitër Kraja, i njohur ndryshe si babai i Dj. Vikit, iu rikthye detyrës për të ndihmuar kolegët e tij gjatë emergjencës së Covid-19, pas 48 vitesh në shërbim të popullit.
Mirëpo, Kraja nisi të shfaqete simptoma të koronavirusit dhe rezultati i testit të tij doli pozitiv.
Mjeku u shtrua në Spitalin Infektiv, ndlrsa Ministrja e Shëndetësisë, Ogerta Manastirliu, ka njoftuar se gjendja e tij tashmë është e stabilizuar.
Për më tepër, analiza e tij e fundit ka rezultuar negative, ndërsa Kraja po mendon të rikthehet në krye të detyrës.
“Kraja ka rezultuar negative nga testimi i fundit, pra është i shëruar dhe gjendja e tij shëndetësore është shumë e mirë. Kur bisedova me të më tha që do të rikthehet në shërbim.”- u shpreh Manastirliu.
Deri tani, Shqipëria numëron 377 raste të prekura me Covid-19, si dhe 22 jetë të humbura.
