Mbrëmjen e kaluar në vendin tonë ndërroi jetë edhe një paciente tjetër.
Bëhet fjalë për një të moshuar 84-vjeçare, e cila prej 4 ditësh ishte shtruar në Spitalin Infektiv dhe vuantr nga sëmundje të tjera bashkëshoqëruese.
Kështu, në vendin tonë numri i viktimave ka shkuar në 19 dhe numri i konfirmuar i të infektuarve është 333.
Kosovë
Sipas informacioneve 24 orëve të fundit, në Kosovë janë konfirmuar edhe pesë raste të reja me koronavirus dhe numri në total ka shkuar në 140 të infektuar.
Rastet pozitive janë raste kontakti, dy prej të cilave janë me vendbanim në Banjë -Malishevë, një me vendbanim në Prishtinë, një me vendbanim në Smrekonicë-Vushtrri dhe një e karantinuar. Ndërkohë, 7 persona janë shëruar.
Itali
Dita e djeshme ka qenë e mirë për Italinë, krahasuar me ditët w mëparëshme.
Numri i viktimave dhe të infemtuarve pati një ulje të lehtë gjë që tregon se situata është drejt normalizimit.
Në 24 orët e fundit ishin 681 viktima dhe 4 850 raste të reja.
Gjithashtu, në Itali pati edhe një numër të lartë të shëruarish.
Francë
Prej disa ditësh Franca është kthyer në vendin me më shumë viktima për 24 orë në botë.
Koronavirusi është duke marrë jetë në mënyrë të frikshme në të gjithë botën.
SHBA-ja është duke u përballur me një situatë shumë të vështirë ditët e fundit dhe në 24 orët e fundit bilanci i viktimave është rritur ndjeshëm.
SHBA 443 persona kanë humbur jetënz duke e çuar në total numrin në 7,847.
Kina
Disa ditë më parë Kina pati një ulje të ndjeshme të rasteve të reja dhe vdekjeve, megjithatë shifrat janë ende duke u rritur. Së fundmi janë regjistruar 30 raste të reja, 11 më shumë se një ditë më parë dhe kanë humbur jetën 3 persona.
