Instituti Kombëtar i Shëndetësisë Publike të Kosovës, ka njoftuar për një rast të ri të infektuar me koronavirus.
E infektuara është nga qyteti i Prizërenit, ndërkohë nuk dihet nëse është rast kontakti me personat e tjerë të infektuar.
Në total numri i të infektuarve ka shkuar në 126 dhe ditën e sotme u regjistrua viktima e dytë.
Viktima është një burrë 47-vjeçar i cili ishte shtruar në dializën e spitalit të Leposaviqit në Veri të Kosovës,
Njoftimi i plotë:
Sot pasdite përfundoi testimi i 58 pacientëve të dyshimtë nga Klinika Infektive dhe Klinika e Pulmologjisë, ku një (1) prej të cilëve rezultoi pozitive.
Do të hulumtohen të gjitha kontaktet dhe të testohen.
Në këtë situatë vetëdija dhe ndihma e juaj është e domosdoshme. Mbani distancë nga tjetri. Reduktoni daljet veç në raste emergjente. Ndiqni rekomandimet nga Ministria e shëndetësisë dhe Instituti kombëtar i Shëndetësisë Publike të Kosovës.
Por, nëse nuk u përmbahemi masave të rekomanduara më herët nga MSh dhe IKSHPK për qëndrim në shtëpi, respektim të masave higjienike dhe të distancimit social, atëherë rrezikojmë të kemi përhapje komunitare.
NA NDIHMONI PAK QË TË JU NDIHMOJMË SHUMË!
TA PARANDALOJMË KËTË!
QËNDRONI NË SHTËPI, KJO UA SHPËTON JETËN!
PËR TË GJITHË QYTETARËT TANI ËSHTË I OBLIGUAR VETËIZOLIMI NË SHTËPI!
KOSOVA ËSHTË NË KARANTINË GJEOGRAFIKE!.
